Употребата на петарди и пиротехнички средства предизвикува не само физички повреди, туку и стрес, страв, психички шок, доживотни трауми и неретко смрт од срцев удар кај животните велат од здружението за заштита на животните "Лајка" и испраќаат апел до граѓаните да бидат општествено одговорни и да се грижат за бездомните животни.
Во соопштението тие додадаваат граѓаните кои имаат домашни миленици да не ги шетаат без поводник, бидејќи звукот ги плаши кучињата и може многу лесно да избегаат и да завршат трагично.
Потсетуваат дека Законот за прекршоци против јавниот ред и мир во член 31 предвидува “ глоба во износ од 200 до 500 евра во денарска противвредност за оној кој неовластено пука од огнено оружје, употребува пиротехнички средства или сличен експлозивен или лесно запалив материјал, или на сличен начин го нарушува мирот и безбедноста на граѓаните."
