За денеска или за утре, подгответе крем супа од спанаќ. Во денови кога не се пости, може да ја збогатите со павлака или со пармезан.
Состојки:
Еден кромид
Две чешниња лук
Три компира
400 гр спанаќ
Еден морков
Еден пашканат
Сол и бибер, магдонос
Подготовка:
Исчистете го зеленчукот, измијте го и исечкајте го во големо тенџере. Додајте вода колку да го покрие зеленчукот, па варете околу половина час. Потоа, со миксер изматете го варениот зеленчук и додајте уште малку вода и зачини.