Едноставен рецепт за мафини со тиквици, oдлични за вашиот викенд појадок.
ПОТРЕБНИ СОСТОЈКИ:
1 кромид
2 моркови
2 тиквички
1 лажичка слатка пиперка
3 лажици брашно
4 лажици вода
2 јајца
1 лажица маслиново масло
ПОДГОТОВКА:
Се пропржува ситно сечканиот кромид, па се додава ситно сечканиот морков. Кога зеленчукот ќе омекне, додадете ситно сечкани тиквички. Зачинете со сол, бибер и посипете со слатка пиперка, па измешајте. Покријте и динстајте уште 10 минути.
Измешајте брашно и вода, да нема грутчиња, па додадете ги јајцата и маслиновото масло. Посолете и сè убаво измешајте, па додадете го готовиот зеленчук.
Во калап за мафини ставете хартиени корпички, а доколку немате добро намастете. Ставете ја смесата и печете во рерна на 180°C околу 15-20 минути.