Познатиот руски психолог Михаил Лабковски често ни дава насоки за животот, љубовта, врските, среќата, но и односот кој треба да го имаме со самите себе. Во еден од неговите текстови тој посебно ја истакнува моќта на самодовербата и зборува за тоа колку е неопходна и важна за среќа во животот.
Тој вели: „Самодовербата надополнува сè: ако човек нема посебна убавина, образование и талент, но бескрајно се сака себеси и не се сомнева (и апсолутно со право) во својата уникатност и шарм - тој дефинитивно ќе биде посреќен и посилен од некои кои можеби се попаметни, поубави и уште побогати. Високата самодоверба победува сè.
Можете да ги подготвувате најдобрите колачи на светот, да ги носите вашите деца на море и на тренинзи, да разговарате со нив на англиски јазик во вторниците, а на кинески во средите и на француски во сабота и поради некоја причина се сметате себеси за лоша мајка.
Ако живеете со постојано чувство на вина за неиспеглани алишта, ќе се лишите од многу поголема радост отколку мајката која можеби еднаш во шест месеци наоѓа време да ја однесе својата ќерка во зоолошка градина и да ѝ купи една топка сладолед. И децата чувствуваат сè - кога мајката е депресивна и постојано се обвинува себеси за нешто.
Често забораваме колку е важно да се сакаме себеси и нашето битие како целина. За жал, тежнееме да ги заборавиме нашите доблести, способности и убавини, а кога ќе се погледнеме во огледало или ќе се вратиме од минатото, почнуваме да ги бараме нашите грешки и маани.
Треба да знаете: не се раѓаме со самодоверба, таа се практикува секојдневно со цел да се подобриме. За почеток, секое утро кажете неколку убави работи за себеси пред огледалото. Пред спиење, заблагодарете се и на себеси за сè што сте направиле денес, заблагодарете се на вашето тело за енергијата, на умот за мудроста и на срцето за чувствата. Бидете горди на себе секој ден и замолчете го внатрешниот критичар“.
На крајот, познатиот психолог додава: „Почнете конечно да се сакате себеси. Вежбајте ја самодовербата, препуштете се и простете си. Обидете се малку да се задоволите себеси. Никогаш не се споредувајте со никого!“
