Седум демонстранти се ранети на насилните протести против новите корона-мерки во холандскиот град Ротердам, откако полицијата испука предупредувачки куршуми.
Доцна синоќа стотици луѓе излегоа на протест против заострување на владините мерки за заштита од ковид-19 и ковид-сертификатите.
Тие палеа автомобили и фрлаа камења кон полицијата, која одговори со предупредувачки истрели и водени топови за време на протестите.
Во немирите седум лица се повредени, а најмалку 20 демонстранти се уапсени во ноќта која градоначалникот на Ротердам ја нарече „оргија на насилство“. Во градот беше прогласена вонредна состојба, а главната железничка станица беше затворена поради нередите.
NOW - Violent protests against Covid-restrictions in #Rotterdam, Netherlands.pic.twitter.com/xCTyqiy609
— Disclose.tv (@disclosetv) November 19, 2021
