Природните билки се еден од најдобрите начини за да заспиеме.
Photo by Sixteen Miles Out on Unsplash
Тие имаат моќ да ни помогнат да се избориме со стресот, но и несоницата. Многумина од нас често имаат проблеми со спиењето поради стрес, патувања, промени во животниот стил и тн. Меѓутоа, ако често имате проблеми со несоница и се будите исцрпени, тогаш важно е да преземете мерки за да си помогнете.
Постојат одредени билки кои се познати како природен лек за намалување на заморот и подобрување на квалитетот на спиењето. Тие му помагаат на телото да се опушти и да ја намали емоционалната напнатост.
Камилица
Photo by Catia Climovich on Unsplash
Нежните цветови од камилица одамна се користат во лечење на различни проблеми, вклучувајќи го и лошиот сон. Познато е дека овој чај има смирувачки својства кои се совршени за да нè смират пред спиењето. Овој чај содржи апигенин, кој ги опушта мускулите и има благо седативно дејство. Затоа, камилицата е еден од најдобрите избори ако сакате мирно и лесно да заспиете.
Нане
Photo by Anton Darius on Unsplash
Нането придонесува за намалување на подуеноста и помага кај проблемите со стомакот, но е одлична билка и против стресот. Делува како релаксатор на мускулите и помага лесно да потонете во сон. Шолја од овој чај се препорачува пред спиењето, бидејќи и не содржи кофеин. Чајот од нане е добар избор пред спиење и ако сте имале тежок оброк пред да си легнете.
Валеријана
Photo by David Mao on Unsplash
Чајот од валеријата се прави од коренот на билката Валеријана која поттекнува од Азија и Европа. Таа е една од најпознатите билки за намалување на вознемиреноста, поттикнување на чувството на смиреност и подобрување на сонот. Овој чај често се препорачува како алтернатива на мелатонинот, хормон кој е важен за опуштањето и добриот сон.
Лаванда
Photo by Drew Jemmett on Unsplash
Лавандата има еден од најсмирувачките мириси, а таа е ефективна и поради тоа што го смирува нервниот систем и го намалува нивото на стрес. Одредени истражувања покажуваат дека таа е ефикасна и кај луѓето кои страдаат од депресија. Доколку не сакате да пиете чај, се препорачува и маслото од лаванда кое го подобрува расположението и придонесува за непрекинат сон во текот на ноќта.
Липа
Photo by Content Pixie on Unsplash
Листовите на липата се полни со антиоксиданси и други состојки кои помагаат за подобро кардиоваскуларно здравје. Но, липата е позната по тоа што помага кај благата несоница и ги намалува тешкотиите. Една од нејзините активни состојки е етеричното масло фарнесол кое помага при опуштањето.
