Емоциите предизвикуваат болести - она што се насобира во нас може да нè убие

Она што се насобира во нас на крајот се претвора во болест која може да нè убие.

Photo by Kyle Glenn on Unsplash

Понекогаш еден живот е премногу краток за да ги реализираме сите овие емоции, често учиме да ги потиснуваме уште подлабоко мислејќи дека сме се исчистиле. Но, тоа е погрешно. Секоја болест го претставува одговорот на нашето целокупно енергетско тело, тоа е резултат на нашите мисли и емоционални вложувања.

Нашиот живот е составен од само 1% настани, а останатите 99% се реакции на настани. Всушност, целиот наш живот го поминуваме обработувајќи и соочувајќи се со одредени животни удари и трауми. Објективно, она што го доживуваме како удари се животни лекции и искушенија кои нè враќаат на себе, со основна порака дека не можеме да излеземе надвор додека не се прифатиме одвнатре.

Во раното детство, ние сме многу чувствителни, приемчиви и сè што мислат и чувствуваат нашите родители го презема нашиот несвесен ум како програма. Затоа, ние не сме празен лист. Нашите животни избори се во согласност со овие несвесни програми, па затоа избираме точно партнери што ќе нè повредат или пак често јадеме храна што ни нанесува штета.

Болеста секогаш го напаѓа делот од телото кој е најслабата алка, односно каде се насобрале негативните емоции и нашата желба да ги блокираме, скриеме и заборавиме.

Кога се соочуваме со чир на желудникот, доаѓаме во ситуација да треба да го избереме начинот на исхрана, што всушност ја претставува потребата за контрола и селекција на емоционално ниво. Тироидната жлезда е исполнета со неискажани зборови кои сме ги „проголтале“ на наша штета, општо земено, нарушување на тироидната жлезда или чакрата на грлото претставува проблем на комуникација и вербално изразување.

Што се потиснати емоции? Тие се како брод кој тоне. Полн со различни содржини, луѓе, среќа, тага, љубовни приказни. Исто така, кога сме вознемирени, соочени со непријатна или негативна ситуација, во обид да создадеме привиден мир, ќе земеме седатив и нашиот брод ќе потоне во несвесното. Ќе почувствуваме олеснување, но тоа сепак ќе постои, иако ќе се обидеме да го заборавиме.

Заборавањето е најлошиот начин за решавање на проблемите, понекогаш ќе се појават духовите од потонатиот брод, но најчесто тие ќе претставуваат невидливи и нејасни препреки и блокади, па ќе имаме чувство дека некоја невидлива сила не кочи и ни го спречува напредокот. 

Едноставно, за се постои одредена аналогија и  причина, ако не сме доволно свесни за себе и за своето внатрешно јас, ако не ја запалиме светлината да погледнеме прво во себе, а потоа кон другите, неминовно сме осудени на животните драми. и конфликти.