По повеќе од две децении изминатиот месец во Скопје беше поставен камен темелник на две нови цркви: едната ќе биде лоцирана во населбата Карпош, веднаш до трговскиот центар Skopje City Mall, а втората во населбата Даме Груев во Ѓорче Петров.
Веднаш до ТЦ Сити мол поставен е камен темелникот на верскиот храм „Христос спасителот“.Осветувањето го изврши поглаварот на МПЦ г.г. Стефан кој истакна дека ако луѓето се блиску до бога нема да прават дела спротивни на законите. Ктитор на црквата е Зоран Антиќ, сопственик на Фешн груп, а донатори се и македонски иселеници од Австралија.
На 5 декември оваа година се изврши осветување и поставување на камен темелник за изградба на храм Свето Преображение во населбата Даме Груев, Општина Ѓорче Петров.
Чинот на осветување го изврши Поглаварот на Македонската православна црква Архиепископот Охридски и Македонски г. г. Стефан во сослужение со свештенослужители од Скопската православна епархија.
