Општината Центар почна со поставување столпчиња во вид на топки од природен гранит на „Боемска 2“.
Според Општина Центар, ова ќе го спречи дивото паркирање и ќе им овозможи на граѓаните безбедно да се движат по тротоарите.
Од Општината наведуваат дека се поставуваат и сообраќајни знаци за регулирање на сообраќајот, бидејќи на оваа улица е забрането паркирање.
Поставувањето на гранитните топки и сообраќајните знаци ќе заврши во средината на наредната недела, а надлежно лице од ПОЦ ќе ја контролира состојбата.
Од понеделник, општина Центар продолжува со работата на вториот дел на „Бомеска 2 “ до крстосницата на улицата „Костурски херои“. Ќе биде уреден и просторот за паркирање.