По акциите на Секторот за инспекциски работи за расчистување на нелегалните препродавачи во околината на Зелениот Пазар, Општина Центар реши да почне реконструкција на плочникот кај пазарот.
-Станува збор за замена на општетените и искршени терацо плочки на околу 500 метри квадратни кои поради дотраеноста довеле до прокиснување во подземните гаражи. Со овој градежен зафат се вадат и сите слоеви до армирано бетонската плоча по што ќе се постави нова хидроизолација, порамнителен слој и нови гранитни плочки.
Плочникот пред Зелениот пазар ќе прерасне во современ простор со подобрена функција и квалитет, зголемена безбедност на движењето на пешаците и одлично место за одмор и рекреација. На просторот строго ќе се забрани поставување на диви пазарџии кои ја нарушуваат пешачката зона узурпирајќи ги јавните површини, најави градоначалникот Горан Герасимовски.
