Осмо издание на „Здраво млади“: Познати првите изведувачи

Осмото издание на фестивалот „Здраво млади“ во организација на Младинскиот културен центар ги објави имињата на првите три изведувачи.

На само три месеци до одржувањето на музичкиот хепенинг на 1 спетрември најавени се „Вуден шипс“(Wooden shjips), „Бленк Мас“(Blanck Mass) и „Камера“(Camera).

Четворката со мистериозното име „Вуден шипс“ свири минимален, бучен вид на гаражна психоделија со забележително влијание од краут-рокот. Вокалите на бендот се провлекуваат меѓу бранови од пулсирачки минималистички ритми, додека дисторзираната гитара и пискавите органи се јавуваат во преден план.

Групата започнува со работа во Сан Франциско во средината „Трил Џокеј“ и за прв пат почнуваат да снимаат во вистинско студио, што резултира со нивното најшироко и најдинамично издние дотогаш. Фронтменот Рипли Џонсон паралелно е посветен и на еден друг етаблиран психо-рок израз со име „Мун Дуо“.

„Бленк мас“ е всушност Бенџамин Џон Пауер кој е дел од „Фак Батонс“ и „Ворлд итер“. Во изданието во кое ќе го видиме на „Здраво млади“ ќе го претстави неговиот трет албум преку кој создаде конзервативно и репрезентативно издание за една година преплавена со гнев, насилство, забуна и фрустрација.

„'Ворлд итер' е истовремено референца за внатрешното чудовиште во луѓето, кое кога сме во „чопор“ нè попречува да се придвижиме кон доброто, и навраќање кон самите луѓе и нивното место на планетата Земја. Чудовиштето е мошне врзано за територија и насилно. Многу ми е јасно дека чудовиштето останува сè поприсутно и претставува закана. Мораме да го разбереме и да го контролираме чудовиштето пред да го испревртиме и уништиме светот“, вака Џон Пауер го објаснува своето творештво.

Берлинскиот бенд „Камера“ со право е споредуван со иконите на краут-рокот од седумдесеттите години. Се карактеризира со стегнат и моќен звук, иако тие, сè уште, на одреден начин се непредвидливи.

Мајкл Драмер е неверојатниот индијански белец што тропа на тапаните на секој настап како да сме среде инкарнациски ритуал од 17-тиот век. Заедно со Стефен Калес, кој доаѓа од светот на филмската музика, го наоѓаат музичкиот правец што бил потребен за збогатување племенскиот бит со разнообразни мотиви и јадри звуци.

Цените за влезниците на годинешното издание се пуштени во продажба и до 15 јуни изнесуваат 400 денари. Може да се набават преку продажната мрежа на МК тикетс или на Билетарница МКЦ.

air max 90 essential sale