Три деца завршиле во болница, откако за време на роденденска забава се напиле течност од шише во кое имало дизентал.
Како што информира МВР, на 11.06.2023 во 20.40 часот во Полициската станица Аеродром, од ЈЗУ - Клиника за детски болести било пријавено дека во 18.00 часот во клиниката биле донесени тројца малолетници со црвенило на слузница во устата.
-Според пријавеното, децата биле на роденденска забава во игротека на подрачје на Аеродром, а по преземени мерки и извршени разговори со родителите и вработените било утврдено дека децата се напиле од течност од шише, најверојатно дизентал, кое било оставено на шанкот, соопшти МВР.
Се преземаат мерки за расчистување на случајот.
