Градоначалникот на општина Гази Баба на социјалните мрежи објави дека е започната постапката за изградба на новата училишна зграда на ООУ Крсте Мисирков во Ченто!
- “Утрово ја потпишав Одлуката за спроведување на постапка за избор на економски оператор кој ќе ја реализира изградбата на новата училишна зграда на ООУ Крсте Мисирков во Ченто. Претходно ги завршивме сите потребни административни постапки и како локална самоуправа создадовме услови да се отпочне со последниот чекор за избор на изведувач на градежните работи.Среќен сум, а вооедно и горд што токму во мојот мандат како градоначалник на општина Гази Баба ќе се реализира овој капитален проект кој на граѓаните на Ченто им беше ветуван години наназад!,“ напиша Стефковски.
