Група хирурзи од Клинички центар со писмо до порталот Република се прашуваат кој го толерира Венко Филипче за неговото непојавување во матичната установа, Клиниката за неврохирургија.
„Деновиве гледаме дека Филипче милува да се претстави како хуманист, човек што помага и тн.., и разбираме дека тоа е дел од неговиот маркетинг за политички цели. Сепак, кога веќе е целосно посветен на политиката, а се помалку е посветен на струката, го прашуваме Филипче дали воопшто доаѓа на работа на Клиниката за неврохирургија, со оглед дека по завршување на неговиот мандат како министер, неговите колеги од Клиника многу ретко можат да го видат на своето работно место каде логично би требало да ја изрази својата хуманост?
Како е решен правно статусот на Филипче и кој го толерира неговото недоаѓање на работа?
Колку интервенции има сработено во последниве две години и каква е реализацијата во Мој термин?“ се вели во писмото.
Хирузите додаваат дека тој ги користи граѓаните за себерекламирање што е неетички и се коси со сите стандарди и докторката етика.
