Вчера во 17:18 часот во ОВР Крива Паланка било пријавено дека на улица „Баглачка“ во Крива Паланка настанал пожар во патничко моторно возило „форд фокус“ со кривопаланечки регистарски ознаки, сопственост на М.С.(56) од Крива Паланка. Пожарот бил изгаснат од екипа на Територијалната противпожарна единица Крива Паланка, а повредени лица нема.
Исто така вчера во 20:20 часот но овој пат во Полициската станица Кичево било пријавено дека на ул.„Маршал Тито“ во Кичево настанал пожар во патничко моторно возило „фолксваген голф“ со кичевски регистарски ознаки, сопственост на В.Е.(63) од Кичево. Повредени лица нема, а пожарот бил изгаснат од екипа на Територијална противпожарна единица Кичево.
Од МВР велат дека и во двата настани е извршен увид од нивна екипа.
