Вчера во скопската општина Ѓорче Петров се одржа одличен настан организиран од страна на училиштето „Јоаким Крчоски“ по повод Меѓународниот ден на лицата со Даунов синдром на кој присутните имаа можност да се информираат за лицата со ваков вид синдром.
Настанот од забавен карактер во кој учествуваа децата од 9-то одделение и ученици од дневниот центар „Доза среќа“, заедно со нивните родители, покажа дека ова училиште е инклузивна образовна институција во која сите деца се прифатени и добредојдени.
Во соработка со наставниците по физичко и здравствено образование беа организирани и активности под мотото „Игри без граници“ во кои учениците имаа одлична можност за забава и дружба преку спортски активности.
- Во рамки на посета на училиштето, првпат имав можност да ја посетам и новоотворената соба опремена со реквизити и материјали кои ќе им помогнат на децата со попреченост полесно да ги совладаат евентуалните потешкотии во образовниот процес. Во соработка со училиштата и градинката "Росица" во изминатиот период правиме максимални напори да овозможиме децата во претшколска возраст и учениците да се чувствуваат еднакви, и преку обезбедување соодветни елементи за нив да им овозможиме добро да се вклопат во училишната средина, соопшти градоначалникот Александар Стојкоски.
