Уште една измама се појави на социјалната мрежа фејсбук. На една фејсбук страница се споделува објава со лажна наградна игра со цел страната да добие поголем број на фанови.
- Почнувајќи од денес дистрибуираме 150 фрижидери и машини за перење кои не можат да се продадат бидејќи се изгребани и лесно оштетени, сите фрижидери се во добра состојба и ќе бидат испратени по случаен избор до оние кои споделуваат готови објави и коментари. Проверете дали вашето име веќе е на нашата листа на добитници на награди, се вели во статусот на фејсбук, но тоа е лага.
И во изминатиот период имаше идентични фејсбук страници, во кои се злоупотребуваше брендот, логото и името на одредени фирми, при што се нудеа мобилни телефони за само 123 денари, но и тие беше само лага со цел да се украдат податоци од корисниците, како и да се добијат поголем број фанови на самата фејсбук страница.
Во продолжение може да погледнете како изгледа објавата на лажната веб-страница.
