Градоначалникот на општина Ѓорче Петров, Александар Стојкоски, денеска заедно со претседателката на Советот, доктор Ленче Нелоска ги посетија штитениците од Центарот за помош на лица со ментален хендикеп “Порака”-Неготино за каде обезбедија донации-покуќнина и прехранбени продукти.
-Учествувавме на една од нивните ликовни работилници. Задоволство е да се помине утрото со овие лица на кои малку им е потребно за среќа.Новогодишните празници се можност да подаруваме и да си помагаме. Голема благодарност до „Стружанка“ и општествено одговорни компании што ни излегоа во пресрет во однос на донациите кои ги поделивме во центарот, порача Стојкоски.
Тој рече дека и во иднина ќе работат заеднички на повеќе проекти, со акцент на подигнување на свеста за животната средина, менување на навиките за чистотата и едукација за селекција на отпад.
