Претседателот на СДСМ, Димитар Ковачевски, заедно со секретарот за меѓународна соработка на СДСМ, Бојан Маричиќ, се приклучи на акцијата на општинската администрација и градоначалникот на општина Центар, Горан Герасимовски, во акцијата за садење дрвја и збогатување на зелениот простор по повод Денот на пролетта.
Тој пред медиумите рече Општина Центар е пример за тоа како се одржува хигиената и зазеленување на општината но дека истото тоа не може да го каже и за Град Скопје.
„За жал, градот Скопје во последните две години се наоѓа во една, би рекол, запуштена состојба. Практично, Скопје е како развластен град по победата на ВМРО-ДПМНЕ на локалните избори. Практично како и да немаме градоначалник, да нема Совет. Со тоа се потврди дека оние ветувања што беа дадени пред две години од страна на ДПМНЕ, од страна на нивниот претседател и раководството, дека ќе добиеме градоначалник што ќе го осовремени градот, беше едно лажно ветување чиј резултат на крајот сите го гледаме“, истакна Ковачевски.