Во тек е пријавувањето за бесплатна вакцинација против сезонски грип за ризичните групи население.
Станува збор за четиритипна вакцина против сезонски грип, од производителот компанијата Абот од Холандија.
Вакцинацијата против сезонски грип е најефикасна мерка за превенција на грип, која спречува појава на потешки форми, компликации и смртен исход особено кај ризичните групи, посочуваат од министерството.
Од таму информираат дека бесплатната вакцинација против сезонски грип е незадолжителна, наменета е за следните ризични групи: стари лица (над 65 години), лица со хронични заболувања, здравствени работници, бремени жени, деца на возраст од 6 месеци до 5 години.
Со пополнување на апликацијата се регистрирате за вакцинација директно во системот Мој Термин. Согласно распоредот предвиден во планот за вакцинација, преку смс ќе добиете повратна информација за точниот датум, час и место кога треба да се вакцинирате.
Граѓаните, кои спаѓаат во ризичните групи може да го искажат својот интерес преку пополнување на апликацијата на овој линк.
Министерот за здравство, Беким Сали, претходно информираше дека за сезонава се обезбедени 60.000 вакцини.
