Вицепремиерот за економски прашања Фатмир Битиќи ги повика пратениците да го изгласаат законот за нефер трговски практики. Тој додава дека ова е начинот институционално да се реши проблемот со зголемувањето на цените кои не се пазарни.
“Во овој момент ќе повикам на пратениците да го изгласаат законот за нефер трговски практики, затоа што сметам дека само на тој начин институционално ќе го решиме проблемот со евентуално зголемување на цени кои не се пазарни, изјави вицепремиерот за економски прашања“ рече Битиќи
Овој Предлог-закон треба да помине и на Законодавно-правната комисија за потоа пратениците да расправаат за него на пленарна седница.
Со донесувањето на Предлог законот се очекува да се постигнат позитивни ефекти во деловното работење кај сите оператори (купувачи и добавувачи), кои се активни во синџирот на снабдување со земјоделство и храна. Надлежните очекуваат да се стави крај на нелојалната конкуренција во трговијата и дека овој закон ќе доведе до намалување на цените на прехранбените производи
“ Во прв момент кога ќе ни стигне извештајот дали и кои производи имаат зголемени цени, ќе се укаже и во јавноста, особено ако тоа се прави на организиран начин, рече тој.
Во врска со Комисиајта за заштита на конкурентност, тој информираше дека веќе има една претставка, и очекува новиот состав на Комисијата да ја забрза работата за доколку забележи организиран начин на зголемување на цени, тоа да го спречи.
