Спортската инфраструктура како еден од најзначајните сегменти во развојот на спортот претставува приоритет во работата на Агенцијата за млади и спорт.
Во таа насока, со засилено темпо продолжуваат проектите за изградба на спортски сали, повеќенаменски и тениски терени, фитнес-зони, фудбалски игралишта и останати спортски објекти, со чија реализација Агенцијата за млади и спорт обезбедува максмални услови за поддршка на македонскиот спорт.
Покрај спортските сали во Домот за деца без родители “11-ти Октомври” и големата универзитетска спортска сала на УКИМ, кои се завршени, во моментов во завршна фаза на градба се и салите во општина Шуто Оризари и во с. Бучин, општина Крушево, а за неколку дена се очекува да заврши и реконструкцијата на покривот на спортската сала во општина Ново Село.
Во делот на обезбедување услови за идните пливачки таленти, во Охрид, во тек се градежните активности за изградба на затворениот пливачки базен, кој во иднина ќе претставува расадник на нови пливачки генерации. Покрај тоа, во Охрид во тек на градба е и едно повеќенаменско игралиште наменето за граѓаните и спортистите на градот.
Исто така, во Крушево се започна со расчистувањето на теренот за изградба на едно повеќенаменско игралиште и двојно тениско игралиште, а општината Крушево за многу скоро време ќе добие и нова фитнес-зона.
Одлична динамика на реализација има на повеќенаменските спортски игралишта, каде досега се завршени 70 игралишта од вкупно 100 предвидени, а изградени се и 89 тениски терени низ целата држава.
Динамиката на изградба е на посакуваното ниво и во делот на изградба на фитнес зоните. Досега се изградени десет фитнес зони, две фитнес зони се во фаза на градба, а во најкраток можен рок ќе започне изградбата и на нови две фитнес зони во Градот Скопје.
Завршени се и спортските игралишта во с. Зубовце и во с. Горно Косоврасти, кои се вон проектот за изградба на 100 повеќенаменски игралишта, а во завршна фаза е и реконструкцијата на фудбалските игралишта во Љубанци и Демир Хисар. Нови спортски игралишта во моментов се градат и во Зелениково и Пинтија.
Сите овие инвестиции се во насока на поттикнување на развојот на спортот и здравиот начин на живот кај младите, а со тоа и правилно насочување кон вистинските вредности во животот и целосно оттргнување од пороците на модерното општество
