Полицијата утрово уапси две млади лица и двајца малолетници кои украле возило, но и краделе од автомобили на подрачјето на Аеродром.
- Денеска во 06.00 часот на подрачјето на Бит Пазар, полициски службеници од Оперативен тим потраги при СВР Скопје ги лишиле од слобода К.Д.(18) од Кавадарци, Т.И.(18) од Скопје и двајца малолетници од Скопје. Тие се сомничат дека претходно одзеле патничко возило „југо“ и извршиле „тешки кражби“ во повеќе возила на подрачјето на општина Аеродром, при што одзеле повеќе предмети. Возилото и одземените предмети биле пронајдени и вратени на сопствениците, информираа од МВР.
По целосно документирање на случаите против лицата ќе бидат поднесени соодветни пријави.
