Времето денеска ќе биде променливо облачно и потопло со повремени врнежи од дожд, особено во западните делови каде врнежите ќе бидат пообилни се вели во прогнозата на Управата за хидрометеоролошки работи (УХМР)
Од таму велат дека ќе дува умерен до засилен ветер од јужен правец (над 60 км/час). Минималната температура ќе биде во интервал од 3 до 8, а максималната ќе достигне од 12 до 18 степени.
Во Скопје ќе биде променливо облачно со повремен слаб дожд. Ќе дува слаб до умерен ветер од јужен правец. Минималната температура ќе се спушти до 3, а максималната ќе достигне 13 степени.
Во петок не очекува преодно стабилизирање, а промена на времето ќе има веќе наредниот ден во сабота. Под влијание на влажен и студен бран ќе има врнежи кои ќе бидат претежно од снег.
Врнежите наместа ќе бидат пообилни, особено во западните делови. На планините ќе се формира значителна снежна покривка (над 30 см), а во пониските места од 3 до 10 см.
Ќе дува засилен северен ветер, особено вдолж Повардарието и температурите значително ќе опаднат
