Со почеток во 20 часот во Културно информативниот центар во Скопје ќе биде изведена романтичната комедија „Ожени ме“ во режија на Роберт Ристов.
Играат Изабела Јакимова и Бранко Атанасов.
Драматизацијата е работена по мотиви на урбаните сценарија: „Ожени ме“, „Заедништво“, „Храна и љубов“ и „Брачна приказна“.
„Ожени ме“ е насловот на една од двете претстави (Ожени ме и Разведи ме) кои всушност се две поглавја од ФЛИП ИЗДАНИЕТО на претставите со заеднички наслов „Две нијанси црвена“. Ќе бидат опфатени две теми/ претстави кои претставуваат лице и опачина, едната на другата.
