Во потрага по егзистенција голем број граѓани ширум земјава се одлучуваат да се преселат во Скопје. Не ретко се ословувани како „дојденци“ или „провинцијалци“.
Главен проблем за ова е централизацијата, односно кога би имало средни стучни училишта и факултети, локална економија, добро платени работни места и национални институции и во другите градови, луѓето не би имале потреба да мигрираат во главниот град.
-Скопјанизирањето на провинцијалците започнало во далечната 1950 година кога поголемиот дел селани од западниот и источниот дел на тогашната Сојузна Република Македонија масовно се населиле во Скопје со цел да се вработуваат по големите градски фабрики и индустрии, а тогаш сите семејства кои имале стока морале или биле принудени да ја предадат стоката на властите во селските задруги и комбинати, да им се национализираат нивните земјишта, ливади, пасишта, деловни и станбени објекти итн. за добијат вработување и школување со стипендии во градовите и сместување во тогаш државни изградени станбени објекти, појаснува еден скопјанец.
Потоа вториот бран на населување во Скопје било 1970г.откако градот се возобнови по земјотресот во 1963г. и се создадоа новите градски населби и општини како Карпош, Центар и Аеродром, па потоа со третиот бран на населување по 1990г.откако Скопје стана главна дестинација на трговските фирми и за сите млади од државата за студирање и нивна егзистенција па така да градежниот бизнис сектор највеќе здоби интерес и ќар од градење во Скопје, смета истиот граѓанин.
- Дел од старите скопјани, велат дека станува збор за нормална појава условена од желбата за подобар живот. -Скопје и скопјани, апсолутно и без дилема, никогаш немале ништо против никого кој е дојден да живее тука. Тоа е сосем нормална работа, а вештачки се креира слика дека скопјани се нетрпеливи кон оние кои подоцна дошле во овој град. Да се запрашаме, да не е сосем обратно? Пробајте на пример како скопјанец да отворите фирма (дуќан) од која и да е бранша низ помалите градови, ќе наидете на бојкот и опструкции. Додека во Скопје, барем 50% од сопственици на истите се нескопјани, а фунцкионираат без никаков макар и најмал проблем. Во мојата фела, скоро и да нема колега кој освен во својот роден град нема и тука, во Скопје експозитура, и истите категорично тврдам дека работат подобро од нас, и обратно, колегите кои се пробале вон Скопје, токму поради горенаведените причини за кратко си дошле дома, во Скопје, го споделува една скопјанка својот став на оваа тема.
-Не е проблем кој од каде е, туку неговото однесување како дел од општеството, потенцираат многумина.
-Проблемот со провинција е што, провицијалското го наметнуваат во Скопје...пиперки, купус по ходници ставаат, се дерат по кафани, возат ко кај нив шо немаат еден семафор и слично...., вели еден револтиран скопјанец.
