Откако јавно го прозва претседателот Стево Пендаровски му одговори на потпреседателот на ВМРО-ДПМНЕ, Александар Николовски дека со години наназад тој и сопругата донираат од своите лични примања на оние граѓани кои имаат потреба од материјална помош. Од кабинетот на Пендаровски посочија дека до сега имаат донирано 500 илјади денари и дека за сите трансакции постои прецизна евиденција.
„Од денот кога платите на избраните и именуваните лица се покачија за 78%, претседателот Пендаровски како што вети, секој месец донира средства од својата плата. До овој момент имаме прецизна евиденција за донирана сума во висина од над 500.000 денари за лекување на наши сограѓани, поддршка во обезбедување на здравствени услуги и медицинска терапија, помош на лекување на наши сограѓани во странство, образовни алатки и учебни помагала за ученици, компјутери за ученици, поддршка за матуранти, плаќање на режиски трошоци и други средства за социјално ранливи граѓани. Бонус прашања за Александар Николоски: Дали тој како пратеник на ВМРО – ДПМНЕ има донирано барем еден денар од неговата за 78% зголемена плата и кому? Дали знае дали кој било пратеник на ДПМНЕ, градоначалник на ДПМНЕ или директор на јавно претпријатие од редовите на ДПМНЕ имаат донирано дел од својата плата од моментот кога им е зголемена за 78%, колку и кому?“, стои во известувањето од прес-службата на претседателот.
