Убиецот на Мартин Нешковски, специјалецот Игор Спасов кој во 2012 година беше осуден на казна затвор од 14 години излегол од затворот во Идризово и во моментов се наоѓа во својот дом во Штип, јавува Нетпрес повикувајќи се на свои извори.
Според порталот, по само 6 години затвор за убиството на Мартин Нешковски, Спасов е пуштен од затвор под образложение дека има потреба од домашно лекување.
Засега официјалните институции се недостапни за понатамошни објаснувања во врска со овој случај.
Инаку, Игор Спасов минатата година оствари и средба и се ракуваше со премиерот Зоран Заев, кој го посети затворот Идризово. Во меѓувреме Владата донесе и одлука за амнестија, со која повеќе од 800 осудени криминалци и сторители на кривични дела добија едлумно или целосно ослободување од затворските казни.