Поднесена е кривична пријава против седум лица кои во период од речиси 4 месеци извршиле 10 тешки кражби на територија на Струмица и пошироко. Украдените предмети ги продавале како старо железо.
„СВР Струмица поднесе кривична пријава против М.А.(24), З.Х. (53), О.М.(25), М.Д.(34), Е.Ш.(40), А.Ш.(42) и М.К.(25), сите од Струмица, поради постоење основи на сомнение за сторени десет кривични дела „злосторничко здружување“, „тешка кражба“ и „помагање“. Во периодот од 11.12.2023 до 17.03.2024 на подрачјето на општина Струмица и пошироко, пријавените извршиле десет кривични дела „тешка кражба“, а украдените предмети ги продавале како старо железо“.
