Ѓорчепетровци - рекордери во дарување крв

Денеска слушнав одлична информација – моите ѓорчепетровци преку крводарителските акции кои ги организиравме со Црвениот крст лани собрале рекордни единици крв во однос на други години од вкупно 58.000 единици на државно ниво, сподели денеска градоначалникот на Ѓорче Петров Александар Стојкоски. 

- Тоа значи дека сме на добар пат заеднички да оствариме уште поголеми успеси со Црвениот крст, што значи да им помогнеме на што повеќе лица на кои им е потребна капката крв. Горд сум на моите сограѓани што несебично дарувале крв и покажале хуманост и емпатија, додаде тој. 

Крводарителството е показател за високи етички, морални и хумани вредности.

Честитки за признанието на Љубинко Ристов за 130 пати доброволно дарување крв и за неговиот придонес во унапредување на крводарителството кое денеска му беше доделено на заеднички настан по повод Денот на основањето на Црвениот крст и Денот на крводарителството.

Честитки и за Раде Станковски, Тони Трајковски, Ацо Стоилковски, Добре Трајковски, Маријанчо Петковски, Љубиша Мисајловски, Викторија Митровска и Божин Давидовски за доброволно дарување крв и покажана хуманост и за организација и постигнати резулати во крводарителството, упати првиот човек на општината. 

Како локална единица во соработка со Црвениот крст продолжуваме и понатаму со поддршка и со организацијата на настани преку кои индиректно спасуваме човечки животи, велат надлежните.