Вистинска есен ќе донесе следната седмица кога и календарски пристигнува ова годишно време. Ладно и променливо време ќе донесе новата работна седмица, по што следи пораст на температурите.
Во текот на следната седмица дневните температури ќе бидат околу 20 степени, но утринските ќе се симнат и до 5 степени.
Последната недела од месецот ќе донесе постабилно време и нешто повисоки температури. Дневните температури ќе се движат околу 25 степени, а утрински околу 10 степени.
Првата половина од октомври ќе донесе стабилно време, сончево и потопло, а втората половина ќе донесе врнежи од дожд и пониски температури. Утринските температури на крајот на октомври ќе се симнат до 0 степени, а дневните ќе се движат помеѓу 10 и 15 степени на скалата од Целзиус.
