Променливо облачно со појава на магла по одделни котлини, ваква е прогнозата за денес што ја најави Управата за хидрометеоролошки работи (УХМР).
Во попладневните часови во западните и северните делови од земјата ќе има повремен локален дожд. Ќе дува слаб до умерен, а на некои места во западните делови и повремено засилен ветер од западен до југозападен правец. Утринската тампература ќе биде од минус 3 до 4 Целзиусови степени, а во текот на денот од 6 до 16 Целзиусови степени.
Во Скопје исто така наутро ќе има магла за попладне се очекува краткотрајни врнежи од дожд. Температурата во текот на денот ќе се искачи до 11 Целзиусови степени
И за утре се прогнозира дека времето ќе биде облачно, пак со појава на магла со слаб ветер кој ќе дува од јужен правец.
Во Скопје и утре времето ќе биде претежно облачно и наутро магливо. Ќе дува слаб променлив ветер. Температурата утре ќе се искачи до 16 Целзиусови степени.