На денешниот брифинг со новинари, директорот на Царинската управа, Стефан Богоев истакна дека резултати во сузбивање на криминалот има и како доказ презентираше дека кривичните пријави за 2023 година се зголемени за 60 проценти.
Меѓу пријавите се кривични пријави за криумчарење, неовластено производство и пуштање во промет на наркотици, даночно затајување, фалсификување пари, царински измами, фалсификување на исправа, избегнување плаќање давачки со прикажување лажни податоци.
- “Минатиот месец кривичнa пријавa беше поднесена за лице за сторено кривично дело „неовластено производство и пуштање во промет на наркотични дроги, психотропни супстанции и прекурсори“ казниво по член 215 од Кривичниот законик“, рече Богоеви и посочи дека ова било дел од посериозна мрежа што имала и лабораторија на територија на државата а која со акцијата е разбиена.
Претходно царината поднела кривични пријави против сторители за шверц на 50 тони дизел гориво декларирано како базно масло, а кое било транспортирано во две товарни моторни возила – цистерни.