Одржан првиот час во природа со учениците од петто одделение од ООУ Јоаким Крчовски на локација кај новата Еко Училница. Новите содржини ги доближуваат децата до природата и овозможуваат поинаков пристап кон изучување на природните науки, сподели градоначалникот на Ѓорче Петров, Александар Стојкоски.
Еко Училницата е во рамки на локалитетот „Крст“ во Кучково, во скопско Ѓорче. Ова место од неодамна доби комплетно нов лик.
- Населеното место Кучково во изминатата година преку реализација на повеќе проекти доби целосно нов современ и урбан лик и стана атракција за скопјани, посочи првиот човек на општината.
