Смрзнатиот дожд што утрово паѓа во Скопје не им пречи на неколкумина рибари собрани покрај галијата во близина на хотелот „Холидеј Ин“.
Тие ловат риба облечени со јакни и капи, а скопјани иако брзаат да стигнат на работа, подзастануваат да проверат што се случува покрај галијата. Има и такви кои од шеталиштето им дофрлаат „кај ќе ловите кога ќе ви ја тргнат галијата, искористете уште малку“.
Рибарите не реагираат на забелешките и тријат раце оти рибата „гризела на дождот“.
