Градот Скопје ги реализира проектите од програмата избрана од граѓаните во континуитет, која содржи клучни барања за подобрување на квалитетот на живот, животната средина, зголемување на градското зеленило и паркови површини.
Како што информираат од Град Скопје, во Општина Аеродром се реконструира булеварот „АСНОМ“ од крстосницата со булевар „Србија“, со што се овозможува зголемена сигурност и безбедност на учесниците во сообраќајот.
Град Скопје соопшти дека паралелно со реконструкција на булеварот, се подигнува и парк.
- Паралелно со реализација на овој проект за жителите од овој дел на градот, градот подигнува нова паркова површина на 27.000 метри квадратни со соодветно партерно уредување, тревна површина, садници, летниковци и нова хидрантска мрежа за наводнување, велат од градот.
