Околу два часа се очекува да трае новата блокада на грчките земјоделци на граничниот премин Евзони( Богородица) кон Македонија, известува МИА
Блокадата, според земјоделците, ќе биде како и во изминатите денови, периодична и повремено ќе се однесува и на камионите и на автомобилите, а се очекува да продолжи и во следните денови, до понеделник, 26 февруари.
Во понеделник, додека во Брисел биде состанокот на министрите за земјоделство на Европската Унија, земјоделците во Грција најавуваат протести на повеќе локации, а не е исклучена можноста да се одржи и на граничниот премин Евзони (Богородица).
Земјоделците од северниот дел на Грција веќе извесен период ги имаат паркирано нивните трактори на конкретниот граничен премин, а од вторникот периодично го затвораат во вечерните часови.
