57-годишна жена од Гевгелија е тешко повредена во сообраќајна несреќа што се случила вчера кај Богданци.
На 26.03.2024 во Полициската станица Гевгелија било пријавено дека на Регионален пат 1109, обиколница Богданци, се случила сообраќајна несреќа помеѓу товарно возило „фолксфаген“ со гевгелиски регистарски ознаки, управувано од Н.К.(35) од Гевгелија и патничко возило „хјундаи“ со велешки регистарски ознаки, управувано од М.А.(33) од Нов Дојран. Во несреќата со тешки телесни повреди се здобила сопатничката од возилото „хјундаи“, Л.Ј.В.(57) од Гевгелија, констатирани во Медицински центар Гевгелија, извести полицијата.
Увид на местото извршила екипа на Полициската станица Гевгелија.
