Градоначалникот на Ѓорче Петров, Александар Стојковски на социјалните мрежи објави видео во кое како што тој кажува граѓанските активисти кои повикуваат на протест се партиски активисти на СДСМ.
“На лагата и се кратки нозете Обично, лично не реагирам на неосновани напади кои имаат една цел - ефтини политички поени, но овојпат мора да искоментирам. Ова е она кога имаш проблем со идентитетот. Или пократко кажано: дал сум советник, дал сум граѓански активист. Непартиски.
Ама едно е сигурно: ако има уште некој на кој не му е јасно, еве кој е против тоа Ѓорче да биде модерно и урбано. И уште посигурно, срамно е да глумите „граѓански активисти“ кои повикуваат на протест, а "граѓаните" всушност се партиски активисти на СДСМ. Да не беше смешно, ќе беше трагично“ напиша Стојковски.