Снежана Миловановска од Скопје создава вистински ремек дела од велигденските јајца кои ги украсува во неколку техники.
Taa oбјаснува дека секоја година користи поинакви техники со цел и велигденските јајца да се разликуваат. Јајцата ги украсува со креп, техника декупаж, восок, лак за нокти и слично.
„Со крепот се бојат шарените јајца, вареното јајце(поубаво се шараат белите јајца), ги валкам во алкохолен оцет и потоа им ставам ленти исечени од креп бои по желба и ги оставам да отстојат 30 минути. Потоа го одвиткувам јајцето и го премачкувам со масло за јадење. Лак за нокти, во помал сад и подлабок ставаме ладна вода и капнуваме лакови по желба, а потоа го брцнуваме јајцето и на него се лепат боите од лакот. Декупаж – оваа техника се прави со салфети. Вареното јајце го премачкуваме со белката и нанесуваме салфетка. Со најгорниот слој од салфетката и ги мачкаме со белка“, вели Миловановска.
Нејзина омилена техника е изработка на јајца со икони.
„На црвени јајца со белка лепам сликички со светци и потоа ги декорирам со бисери, циркончиња. На црвени вапцани јајца цртам шари со златен маркер. Декорирање со машничка – вапцаните јајца ги декорирам со различни машнички и цветчиња, односно лентите и цвеќињата со силикон ги лепам на јајцата. Восок – оваа техника бара најмногу време и труд. Јас восок користам од малите свеќички што ги користиме дома. Тоа си гори и од растопен восок цртам. На молив со гума забодувам топувче и со него цртам. Прво на бело јајце цртам шара по желба и го ставам во посветла боја да отстои малку, а потоа пак цртам со восокот и го ставам во друга боја и ова го повторуваме зависно колку шари сакаме да има јајцето. На крај го пребришуваме јајцето и ја добиваме саканата шара(ако не излегува убаво, восокот со фен го дувам и го бришам). Знаењето за декорација го стекнав разменувајќи мислења со моите пријателки, посебно од жените од „Вешта жена“ каде разменуваме многу искуства“, додава Миловановска.
