На претстојните локални избори граѓаните ќе се евидентираат и ќе го докажуваат својот идентитет преку новонабавените уреди за отпечаток од прст.
Но, на секое гласачко место ќе има и „резерва“ од спреј и УВ-ламба, за во случај уредот поради некоја причина да престане да функционира.
Уредите работат на батерии и потребно е да се полнат во текот на денот. 34 избирачки места имаат проблеми со струјата и во тек се преговори со ЕВН да се отстранат сите дефекти за да може непречено да се одвива изборниот процес на 17 октомври. Доколку терминалот се расипе и не може да се замени со друг, избирачките одбори ќе имаат резервна варијанта, ќе користат УВ ламба и спрејови, пишува Телма.
