Надворешната канцеларија за криминалистички работи Кичево поднесе кривична пријава против А.А. (41) од Скопје, осомничен за сторено кривично дело „измама“. Според информациите на полицијата, од септември 2023 година досега, А.А. успеал да измами три лица, лажно претставувајќи дека ќе им обезбеди визи за странска земја, и притоа зел по 1.000 евра од секое лице.
Пријавениот ги уверил жртвите дека преку социјалните мрежи и наводна агенција ќе добијат термин за виза. Сепак, визите никогаш не биле обезбедени, а измамените лица останале без своите пари и без ветените визи.
