Македонката Бранка Недељковиќ од Бутел, која над две децении живеела во Сирија пред да избега поради војната, во разговор со „Алфа“ откри дека нејзината четиригодишна внука е под урнатините по силниот земјотрес кој ги погоди Турција и Сирија.
Помладиот син во семејството Недељковиќ во обид да ги извлече двете деца и сопругата, не успеал да ја спаси ќерка си.
- Тие не се повредени, но девојчето... Почнале да паѓаат делови од кујната, трчал да ги спаси, го спасил едното дете, но не можел и другото, не можам ништо да го разберам и тој е потресен. Немаат струја, интернет, не може да комуницираме, вели Недељковиќ.
Недељковиќ открива дека со години е заглавена низ македонските институции, зашто помладиот син е роден во Сирија и не можел да дојде со него.
- Тој бара да се врати во Македонија. Не сака таму да живее, нема никаков живот, нема услови, раскажува Бранка.
Целата сторија може да се погледне во продолжение.
