Бисера Костадиновска Стојчевска, со фејсбук статус им се обрати на граѓаните по вчерашниот изборен ден, во кој СДСМ доживеа пораз.
Честитки за граѓаните кои достоинствено, во фер и демократска атмосфера, учествуваа во изборниот процес и придонесоа за демократскиот и институционалниот напредок.
Изразувам посебна почит и благодарност кон граѓаните кои гласаа за коалицијата предводена од СДСМ и за нашиот претседател Стево Пендаровски.
Според неа, тоа е поврда за важноста на европската иднина на државата, од која тие, како државотворна партија, нема да се откажат. Напротив, гласовите кои ги добивме се обврска и мотивација да продолжиме напред и продолжиме да го следиме националниот интерес.
Таа им честиташе на сите пратеници во новиот состав на Собранието, посочувајќи дека токму овие избори се новиот почеток на СДСМ. Изборниот резултат е одговорност на сите нивоа, заклучи таа.