Ги сакаме нашите најдобри пријатели бидејќи без нив немаше да бидеме тоа што сме денес. Голем дел од нашата сила доаѓа од пријателството. Заедно минуваме низ многу нешта и тоа нè обликуваше во личностите кои сме денес.
Кога бившиот дечко најде нова девојка, кога родителите ни се разведуваа, кога другите другари и другарки нè лажеа. За смртта во нашите семејства, кога се слушавме една со друга со денови и месеци - и колку време ни требаше да ги пребродиме тие моменти. Кога немавме што да кажеме, а имавме толку голема болка во себе. Кога само молчевме.
Сакајте ги вашите најдобри пријатели и тогаш кога ве нервираат, кога мал дел од вас ги мрази и кога ја упропастуваат вашата доверба. Сакајте ги кога ги откажуваат плановите во последен момент и кога ги избираат своите дечковци и девојки пред вас. Сакајте ги и кога се чувствувате ужасно поради кажаните зборови. Сакајте ги бидејќи не можете да си го замислите животот без нив.
И, тогаш кога ги сакате – кажете им го тоа. Покажете им го тоа. Кажувајте им секојдневно колкаво богатство имате во својот живот.
Заблагодарете им се за местото кое го имате во нивниот живот и кога ве расположуваат секогаш кога сте нерасположени. Заблагодарете им се за тоа што се и што заедно учите корисни лекции за животот.