Свирепо убиство на младо момче се случило вчера вечерта во самиот центар на Прилеп пред очите на случајните минувачи. Од она што е познато во јавноста група на млади луѓе најпрво физички нападнале а потоа со повеќе убоди од нож е избодено момче од населеното место Сенокос, општина Долнени.
Според првичните информации, се работи за (А.Д.) кој е на возраст од околу 15-16 години.
Како што кажуваат сведоци момчето се обидело да побегне и паднало пред самиот влез на прилепската чаршија. Очевидците кои се затекнале на местото на настанот веднаш повикале Итна помош и околу 19:40 било пријавено во полиција.
Итната помош го префрлила момчето во прилепската болница, каде починало од повеќе убоди по телото.