Полицијата потврди дека на фудбалски натпревар приведени се три лица, помеѓу нив и новинарот Фуркан Салиу во чие возило пронајден е пиштол.
Министерството за внатрешни работи информораше дека денес, околу 17 часот на фудбалскиот стадион во с. Средно Коњари за време на фудбалскиот натпревар помеѓу ФК "БВК Коњаре" и ФК "Куманово", на дваесетина минути пред крајот на натпреварот дошло до обид домашната публика да се пресмета со гостинските играчи. Обидот е спречен од страна на службите кои го обезбедуваа натпреварот и натпреварот бил прекинат.
„За време на интервенцијата, од страна на две лица нападнати се припадници на Единицата за брзо распоредување. Лицата кои го извршиле нападот веднаш се приведени и утврдено е дека станува збор за Ф.С.(33) од с. Арачиново и Н.Ј. (26) од с. Арачиново, додека С.Б. (40) од с. Арачиново е приведен за учество во тепачка.“, информираат од полицијата.
Дополнително, околу 18 часот, при преглед на патничко возило "дачија дастер", сопственост на Ф.С., а управувано од Ф.А.(34) од с. Кондово со сопатник А.Р. (21) од с. Кондово, во багажникот е пронајден пиштол. СВР Скопје презема мерки за целосно расчистување и документирање на случајот.
Претходно, Скопје Инфо објави дека новинарот Фуркан Салиу денеска е уапсен на фудбалски натпревар.