Секој цвет е душа која цвета во природа. – Герард де Нервал
Откријте што кажува за вас вашиот омилен цвет.
Роза
Легендата вели дека розата настанала од солзите на божицата Афродита која плачела за својот љубовник, па тоа е првиот симбол за овој цвет – љубовта. Луѓето кои ги сакаат рози се големи романтичари. Заљубени се постојано во некого, но и во животот, а нивните главни карактеристики се топлина и нежност. Меѓутоа, тие се многу претпазливи кому ги даваат своите емоции.
Баш како и розите, овие личности даваат многу, но ако ги повредите, треба да се пазите од нивното трње.
Божур
Овие личност имаат убав стил, сакаат убава облека и се грациозни и елегантни каде и да се појават. Тие се однесуваат како да се дел од некое минато време. Знаат да бидат вистински космополити и ги сакаат патувањата во земјите со моќна култура.
Магнолија
Магнолијата цвета во мај и таа е еден од најстаро познатите цветови, позната по својот убав мирис и единствен изглед. Луѓето кои ги сакаат магнолиите се многу посебни, отмени а често доаѓаат и од богати и интелектуални семејства. Склони се кон ориентален стил, мистични се и ја ценат духовноста.
Хортензија
Како и хортензиите, расположението на овие личности се менува со годишните времиња, а летото им е омилено. Многу се чувствителни, а знаат да бидат и интензивни во своите друштвени кругови и работно окружување.
Орхидеја
За нив, се вели дека се цвет на успешните луѓе. Луѓето кои сакаат орхидеи се многу амбициозни, н и таинствени. Тие се самоуверени, среќни и храбри луѓе. Се карактеризираат со одважност, но и желба да помогнат. Никогаш не ги покажуваат своите карактеристики на прво запознавање.
Лале
Овие личности сакаат фина облке,а но и јадења и убаво вино. Имаат силно животно искуство и се едни од најмудрите луѓе кои ќе ги запознаете. Нивното друштво е полно со различни луѓе и тие секогаш сакаат да експериментираат. Не сакаат досада и предвидливост.
Нарцис
За нив, се врзува митот за Нарцис кој имал многу обожавателки, но неговото срце секогаш останувало недостижно. Денеска, такви се и љубителите на нарцисите. Тие се затворени и со ранливо срце. Длабоки личности, аналитични, но и многу внимателни.
Кала
На прв поглед, овие луѓе се карактеризираат со силна елеганција и префинетост. Тие се софистицирани и имаат цврст став за многу прашања. Сакаат убав ентериер и живот на висока нога.
