Денес на овој голем христијански празник е совршеното време да се потсетиме како правилно се честитаат и пишуваат празниците.
За да не згрешиме во честитките и пораките, да се потсетиме дека имињата на празниците се пишуваат со голема буква.
Притоа, само првиот збор се пишува со голема буква, освен ако не се лични имиња. Придавките изведени од имињата на празниците се пишуваат со мала буква, затоа правилно е новогодишни празници, односно божиќни (божикни) празници, божиќна честитка.
Така, правилно е:
Среќна Нова година!
Честит Божиќ/Божик!
Среќни новогодишни и божиќни празници!
Дедо Мраз
Забележувате дека и двете форми, Божиќ и Божик, се употребуваат според македонскиот правопис, што значи дека и двете се точни.
Личните имиња се пишуваат со голема буква, па затоа правилната верзија е Дедо Мраз.
Неправилно е:
Среќна Нова Година!
Среќни Новогодишни и Божиќни празници!
Дедо мраз.
