Во 2023 година, осмелете се да правите грешки. Дозволете си себеси да преземате ризици, иако постојат шанси дека работите нема да излезат како што вие сакате.
Осмелете се да се борите за себеси, да го следите вашето срце, да ја слушате инутицијата. Не се повлекувајте поради стравот од неизвесност. Немојте да се помирувате со работите само затоа што се плашите дека нема да ги остварите соништата. Баталете ги сомнежите и продолжите да чекорите напред.
Во 2023 година, осмелете се да плачете. Не ги кријте чувствата само за другите да се чувствуваат поудобно. Не се преправајте дека сте цврсти како карпа и дека ништо не ве допира и дека вашиот свет е совршен, кога очигледно имате проблеми кои ве јадат одвнатре. Престанете да си вршите притисок да бидете совршени. Океј е да имате проблеми. Океј е да бидете вознемирени поради проблемите, дури и ако се работи за ситници. Имате право да се чувствувате онака како што се чувствувате. Вашите чувства се валидни и заслужуваат да бидат изразени.
Во 2023 година, осмелете се да признаете дека ги немате сите одговори. Чувствувајте се доволно удобно за да кажете „Не знам“, наместо да се преправате дека знаете нешто кое е надвор од вашиот досег. Никој не очекува дека знаете сè. Најпаметните луѓе можат да признаат кога грешат и подготвени се постојано да учат нови работи за светот околу нив. Оваа година, отворете се кон нови искуства. Дозволете си себеси да бидете жедни за знаење. Ваша мисија нека биде учењето и растењето.
Во 2023 година, осмелете се да си заминете. Замете си од ситуации кои се нездрави за вас. Кажете им збогум на луѓе кои повеќе не заслужуваат место во вашиот свет. Не дозволувајте нефер третман од никого. Понекогаш излегувањето од удобната зона може да води кон вистинска среќа.
Во 2023 година, осмелете се да бидете будалести. Објавете слика на која не изгледате совршено. Играјте дома на омилените песни, испраќајте им мемиња и смешни слики на пријателите. Забавувајте се, исполнувајте го својот свет со смеа и забава. Ова е вашиот живот. Бидете умни, безбедни и автентични.
Во 2023 година, осмелете се да имате големи, луди соништа. Не се грижете за тоа дали се реалистични, затоа што како што можевме да видиме, сè може да се случи. Не се грижете ниту за тоа што ќе кажат луѓето, затоа што нивните мислења не се важни. Прекинете да обрнувате внимание на луѓето кои не се ни важни во вашиот живот и гледајте во патот пред вас. Може да остварите прекрасни работи ако се осмелите да се обидете да ги направите, па затоа верувајте во себеси.
Верувајте дека оваа година која ни претстои може навистина да биде убава година.
